Квасна вода и епідемії колеры

У час днишньой’ пандимії видиме, як роблят бізнес на масках и антисептиках, кладут за них часто космічні ціны, через йсе, и через много иншых причин, уже ся стало повно скандалув.
Айбо, ги казав єден депутат ВРУ: «Кому коронавирус, а кому мать родная».

Но ни лише у наш час, а и давно, на фонї епідемії старали ся робити так, убы получити прибыль. У 1913. роцї, коли у Свалявському окрузі была епідемія корелы, у ґазетах было дуже много обяв из рекламов квасных вод, які и до типирь мы так любиме. А ото и «Лужанська», и «Поляна-Квасова» и другі. У рекламі писали, ош исі воды дуже красно вплывавут на орґанізм, та кидь їх пити, будує ся ефективна защита выд корелы.

У ґазитї «Heti Szemle» за 1. октовбра 1913. року є малинька статя «Защита од корелы!!!». У ньуй иде ся про квасні воды Свалявського округу. Годні сьте прочитати и вы:

ЗАЩИТА ОД КОЛЕРЫ!!!

«Первый и найбульш ефективный спосуб всокотити ся уд епідемії корелы - ото питя чистой’ воды, у котруй ниє вредоносных бактерій.

Як такі ся особенно рекомендувут природно чистї мінеральні воды маєткув ґрофув Шенборнув - «Polenai», «Szolyvai» тай Luhi- Erzsébet (Лужанська), бо они пуд постоянным медицинськым наглядом и фурт продавут ся у чистоті, усе сут свіжі, що и требувут нормы днишьной’ ґіґыєны. Айбо особинно типирь, а час епідимії корелы, исі воды будут пуд строгым офіціальным контрольом и надзором.

Розміщаєме воды на базарах, що є ґарантійов, ош будеме ся лічити и ефективно сокотити выд корелы, кой будеме ся наслаждати водов. Исі воды, особинно типирь, не годні пропустити Ваш стул.»
– Heti Szemle, 1. октовбра 1913

Получат ся сякый малинькый дарабчик из исторії нашых любимых квасных вод, у часы епідемії.

Кой жона хотїла харити у хыжи – замітала березовым віником, а раз у два тыжднї каяла подошов.

Люди зимов кувпотили худобу и у ручну, пилов, різали дрыва. Жоны ткали полотно, шыли сорочкы и другоє цуря.