Курта історія: село Драчино

Драчино – село пуд Свалявов, у якому людность досігат почти 1000 чоловік. Айбо давно у сьому селі жило дуже мало Русинув, а май велика часть людности были Нїмцї тай Словакы.

Вшидко ся зачинат из того, ож у 1807. роцї ґроф Шенборн зачинат кликати Словакув и судетськых Німцїв поселити ся в Пудкарпаті.

У 1827. роцї по позыву барона у Драчинї поселили ся перві фамілії судетськых Німцїв лїсорубув. Німицькі майстры, лісорубы также мігровали сюды из другых реґіонув, приміром, Галичины.

Як туй міняла ся людность?

У 1869. роцї у селі жило 173 чоловік,
– 1880. – 163 чоловік;
– 1890. – 212 чоловік;
– 1990. – 224 чоловік;
– 1910. – 298 чоловік;
– 1921. – 312 чоловік;
– 1930 – 369 чоловік;
– 1941. – 495 чоловік;

Основнї народы, котрі засиляли село были Німцї и Словакы. Меншинов были Русины, Мадяре и Євреї. Наведу статістику:
– 1880. – Русинув – 8 чоловік, Мадярув – 4 чоловік, Євреїв – 7 чоловік;
– 1910. – Русинув – 18 чоловік, Маядрув – 15 чоловік, Євреїв - 7 чоловік;
– 1921. – Русинув – 25 чоловік, Мадярув – 3 чоловік, Євреїв – 5 чоловік;
– 1930. – Русинув – 13 чоловік, Євреїв – 7 чоловік;
– 1941. – Русинув – 64 чоловік, Мадярув – 20 чоловік, Євреїв – 7 чоловік;

Ги видите, число Євреїв, майже фурт было єднакоє. У 1941. роцї Русины уже были другі по числу людности.

У 1863. роцї туй построили католицьку цирьков с. Тройцї.

У книжцї Шиповича и Козаря «Свалявщина – історичні нариси», споминат ся, ож про тых Німцїв лїсорубув ґроф выдїлив 15 міст для хыж (опшарь). Вшидка теріторія поселення – 19 гольдув земли. За хоснованя землі платили 14 форинтув 35 крейцерув из каждой хыжі.

Споминат ся ищи дуже важна архівна информація у сїй книжцї, ож 1880. роцї у Драчинї было 33. хыж, а вшидко людности 164. чоловік, котрі мало 140. голув рогатой худобы, 8. свинь тай 5. вуликув.

Нагадати ся треба про переписы за 1941. рук. Вшидко людности тоды было 495 чоловік из них 239 – люди, а 256 – жоны. За народностями:
– Нїмцїв – 348 чоловік;
– Русинув – 64 чоловік;
– Словакув – 56 чоловік;
– Мадярув – 20 чоловік;
– Євреїв – 7 чоловік;

За реліґійов: 426 католикы, 59 греко-католикы, 2 реформаторы, 1 баптїст тай 7 юдийів.

У 1993. роцї у Драчинї зачали муровати монастырь с. Кирила и Мифодія.

На останок напишу, які назвы села хосновали ся другыми бисїдами. Німицька Dorndorf, мадярська Újtövisfalva, чеська Dračiny.

За одкликованьом – далші матеріалы из ціклу «Курта історія»