Яков была русинська хыжа у давнину?

Хыжа а обыстя все розкаже повно за живот ґазды. Из описув старых хыж простых Руснакув годни сьме добрї порозуміти як жыли и яку журу мали наші люде у давнину.

Русинська хыжа у Березниках

Хыжкы были єдноповирьхові из соломлянов стріхов и бїлыми стїнами. Стїны хыжі мастили глинов и бїлили. Крышу робили из соломы, дале появили ся хыжі из шинглами. Кругом быв сад и город.

Ґаздувськоє опшаря было убгорожено. Заходило ся зодвору у сіны, де из єдного боку была єжна велика комната, а з другого кліть. У кліти стояли ґелеткы из сыром и молоком, а солонина висїла на бантах.

Коли у хыжи клали огинь, дым ишов идгорі и будив солонину, котру лїто искладовали у бочкы. Тогды у хыжи быв подошов.

Векшынов у углови хыжи стояла велика пец на у якуй ґаздынї пекли хлїб, їсти варили на шпорї. Звирьхы на пеци спали люде. Пуд вызором стояла велика лада. На ньуй были дві покрышкы де чидяль хранила цуря, звирьхы на ладї ся сидїло.

Из другого боку, коло вызора, стояла шырока лавиця. Коло лавицї и коло лады стояв великый стул из великов тяжков крышков. Крышка удперала ся и туда клали хлїб, молоко, роплянку, блюдята и диривляні ложкы.

Пуд стїнов стояла постїль. У постили ни было матрацув, місто них было сїно. Вирьх сїна стилив ся вовняный покровиць, а звирьхы бїла ткана верета. Постіль была высока и пуд ньуй были ягнята. Кидь ся ягнята покотили кой были морозы, ґазды несли їх до хыж у тепло.

На стїнах векшынов висїли Божі образы и глиняні тарілкы. Были и спеціалні вырізы из дерева куда вішали ложкы.

Коло двири, у закутї, стояла лавичка. На ньуй стояли відра з водов и бляшка. Пуд нив были банякы.

Серед хыжі на ґеренді висїла лампа.

Кой жона хотїла харити у хыжи – замітала березовым віником, а раз у два тыжднї каяла подошов.

Люди зимов кувпотили худобу и у ручну, пилов, різали дрыва. Жоны ткали полотно, шыли сорочкы и другоє цуря.