Знамі америцькі Карпаторусины I.

Народ наш малый, айбо славный! Хоть кулько бід треба было нам пирижити, кулько тяжкых доруг траплят ся нам типирь, айбо сокотит нас Бог, ни дасть нас згырити. Людности нашой видит ся, ош нас мало, айбо ото ни так! Наша чилядь истинно «золота» и славна ни лише дома, в Карпатськуй Руси (Лемковина, Пряшувщина, Подкарпатя, Марамуреш), ай по всьому світу.

Через тяжкі часы, у нашому краю, ищи при Австро-Мадярщині, у Америку почали мігровати тисячі русинув. Посиляли ся май часто у штаті Пенсільванія. Там и образовала ся велика карпато-русинська діаспора. Діаспора подарила світови виликых людий, котрых мы файно знаеме, айбо парадокс у тому, ош пошти вшиткі ни знавут, ош оты люди мавут русинськое куріня.

Про тых Американськых Карпато-Русинув я и хочу накурто написати. Для многых из нас, може буде и друбный шок, ош дані люди мали мамку, авать няня русинськой національности. Но нам исе знати треба, убы відіти и розуміти, ош мы ни другосортні, и у нас є свої люди, котрыми мош ся гордити!

САНДРА ДІ

Сандра Ді (Александра Цук) 23 апріля 1942 - 20 фебруара 2005) американская актриса. Уродила ся у Байоні, штат Нью-Джерсі и была єдинов доньков Джона Цака и Мері Цук (Цимболяк). Была вірницьов Карпато-Русинськой православной церкви. Зачала своу карєру у качистві діточой модилі, робила спиршу у рекламных роликах, а пак и в подростковых роках. Ді, получила извеснусть дякувучи єї образу изобразітєльного искуства, дустала награду «Золотый глобус» ги єдна из самых многообіцяющых новачкув року за выступ у фільмі Роберта Уайза «Докы они плывут» (1958).

СТІВ ДІТКО

Дітко уродив ся 02 Новембра 1927 року у Джонстауні, штат Пенсільванія, у родині американськых імігрантув - карпато-русинув первого поколіня. Його няньо быв Стивена Дитко, талантливый майстер, робутник на заводі, мати Анна, домоґаздыня. Стів быа американськых коміксхудожник и писатил, найбульш извесный як художник и сотвориць, из Стен Лі, из коміксув сирії «Marvel» супергироїв Spider-Man и Доктор Странно. Умер нидавно – 28 июня 2018 року.

ГАРІ ДОРІШ

Гарі Доріш (13 июля 1921 - 31 децембра 2000 р.) быв американськым профисіональным игроком у бейсбол. Уродив ся у Суойерсвіллі, штат Пенсільванїя, його отиць быв карпато-русинськым імігрантом из Пряшувщины. Вун брав участь у дисятьох сизонах Высшой лігы (1947–56) из Бостон Ред Сокс, Сент-Луіс Браунс / Балтимор Ориолс и Чикаго Уайт Сокс. Быв витираном армії США Другой мировой войны, де вун служил у Тихоокианському тиатрі бойовых дїй.

БІЛ ЕВАНС

Еванс (16 авґуста 1929 року - 15 септембра 1980 року) вырус в Норт-Плейнфілдї, штат Нью-Джерсі, сын Гарі и Мері Еванс (родом из сила Сорока). Його отиць быв валійського походженя и управляв польом для гольфа; його мати была Карпаторусинка и походила из родины шахтьорув. Біл быв американськым джазовым піаністом и композитором, котрый в основном играв у тріо.

НІК ХОЛОНЯК

Нік Холоняк-младший (уродив ся 3 новембра 1928 року) - американскый инженер и педагог. Вун особенно извесный своим изобритенійом 1962 року світлодіодув (LED), котрый излучав видимое челленое світло замість инфраселленого; Холоняк тоды рабив в досліднуй лабораторії General Electric у Сиракузах, Нью-Йорк. Вун являт ся заслуженным придсидатильом кафидры Джона Бардіна в области електротехнікы, вычислітїльной тихнікы и фізикы в Університиті Иллинойса в Урбана-Шампейн. Походит из карпато-русинськой родины. Його отиць и мати робили на шахтї.