Карпаторусин – кум царя Александра І

До 255-роча Василя Кукольника

З 1805 рока Василь Григорович читав Римськоє право у Высшому Училищі Правоведеня, фізику и право на публічных курсах про гражданскых чиновникув, римськоє и приватноє право в Главному Педагогійному институті.

Родив ся Василь Кукольник 30 януара 1765 рока в Мукачові.

Будучный ученый ошколововав ся в Лемберзькуй академії, по чому муг научати на дакулкох кафедрах: Права, Исторії, Математикы, Політичных наук, хоть котрого из давньых и многых новых языкув и літератур.

У 1803—1804 рр. Кукольник выдав на полськум языкови дві роботы: “Dzieło Ekonomiczne”, 5 ч. г. и “Dziennik Ekonoraiczny”, 12 ч. Ги професор Замостського ліцея, В. Кукольник в 1803 рокови быв кликаный из Австрії Н.Новосильцевым, по наговорови И.Орлая, в Петербург діла возглавленя кафедры Римского права в Педагогійному институтови (товды ищи- Учителськуй гимназії). Айбо кафедра уже была занята, и вун ся согласив выкладати на кафедрі Опытної фізикы, так як ошколованя го было універсалным. Кукольник такой выкладав хімію, технологію и агрономію.

З 1805 рока Василь Григорович читав Римськоє право у Высшому Училищі Правоведеня, фізику и право на публічных курсах про гражданскых чиновникув, римськоє и приватноє право в Главному Педагогійному институті.

Кукольник выкладав подовж чотирьох рокув (из 20 апреля 18103 До 1 юнія 1817 р.) римськоє и гражданськоє російськоє право Великым Князям Николаю Павловичу (будучному императорови Николаю I) и Михаилу Павловичу.

Діятелность Кукольника выходила далеко за рамкы педагогічної роботы. В 1814 рокови Кукольник быв назначеный членом Департамента Комерц-Колегії. Туй вун в ролі визитатора перепозіровав учебникы, казенні и приватні заклады, на зачатку у Санкт-Петербургови, а потому у Псковськуй губернії (1815). В 1817 рокови вун быв назначеный совітником Правліня Главного Педагогійного Института, де два раз до того уже директоровав, такой быв членом комісії по ушорьованю російськых законув. У письмови А. Голіцынови од 13 юнія 1817 рока В.Кукольник писал про свою научно-літературну діятелность: «Недостаток на Российском языке учебных книг по преподаванным мною предметам, и от того происходившие затруднения в произведении желаемых успехов в науках, побудили меня принять на себя труд составить и издать таковые руководства по наукам Сельского Домоводства, равно как и по правам Римскому и Российскому Гражданскому. Оныя сочинения довільно известны не только Правительству, но и всему Государству, и удостоены принятия Министерством Народного Просвещения в исключительное его распоряжение для употребленияих в учебных заведениях Империи».

Из отвореньом Петербурзького універзитета в 1819 рокови юридичным наукам в ньому было одведено дві кафедры. Кукольник возглавив єдну з них.

Кроме выше упомнянутых двох выдань на полскум языкови, Кукольник напечатав ищи в Петербургови: “Курс хозяйственных сведений”, 12 книг (1805р.), “Экономический журнал”, 3 части (1807р.), “Начальные основания сельского домоводства” (1810 и 1816рр.), “Начальные основания римского гражданского права” (1810р.), “Начальные основания российского частного права”, (1813 р.), “Российское частное гражданское право”, 2 ч. (1815 и 1818рр.), “Руководство к преподаванию римского права”, 2 ч. (1821р.).

На першуй Конференції в Санкт-Петербурзькому універзитетови по выборам ректора, В.Кукольник являв ся май иппным кандидатом на сю должность. «В день, назначенный для избрания ректора, Василий Григорьевич в заключении речи, по этому случаю произнесенной, впред поблагодарив тех, которые бы, по расположению своему, вздумали дать на него свой избирательный голос, объявил, что дело уже кончено, и он в Петербурге ни в каком случае не остается».

В 1820 рокови Василь Куколник одказав ся од професуры и переселив ся в Ніжин, де возглавив Гімназію Высшых наук князя Безбородька - нового, широко задуманого школського проекта. Перша програма была розроблена и хоснована именно Кукольником.

Школаші в гімназію принимали ся од 9 до 11 рокув. Курс школованя - 9 рокув, розділяв ся на три періоды и каждый період на три ручных класы. Програма была доста разнообразнов, включала язики - древні и нові, историчні, точні и етико-політичні наукы. Последні выкладали ся на третьому периодови - в семому класі: логіка, філозофія, право, исторія, читаня Св. Иоанна Златоуста и Амвросія Медиоланського, геометричеська копійовка містности; в восьмому – народноє и державноє газдувство, исторія и догма римського права, фізика и артилерія; в девятому – російскоє гражданськоє и криміналноє право и практичноє судопроизводство, Литовськый статут, фізика и фортифікація.

Выкладав Василь Кукольник у Ліцеї на зачатку єден из помочов свого сына Платона (в будучному - доктор права, заслуженого професора Виленського универзитета). Из петербурзьких професорув, котрых Кукольник кликав на роботув гимназію, многі ся отказали. «Это был первый и слишком чувствительный удар добросовестному педагогу. Надежды - разом были уничтожены; средства – отняты; к тому присоединилась тяжкая скука ученого, совершенно изолированного, потому что не только общество, но и те, которые должны были служить ему помощниками, не могли впоєне понищать видов его, разделять его мысли и чувства, и тоска – слишком скоро потрясла чувствительный организм. Он впал в гипохондрию, быстро и неотразимо увлекшую его в преждевременную могилу», - так писав Нестор Васильович Кукольник (драматург, поет, белетрист, творы котрого были популарныма в 1830 – 1840-х роках) у споминках про свого отця. При всюй своюй любови до нового діла, Кукольник не выдержав одрива од Петербурга, де ся обстали його університетські цімборы, тому 6 фебруара 1821 рока совершив акт суїцида –увер ся из оболока третього емелета. Похороненый Василь Григорович быв у Ніжинскому монастырьови, по настаьованю єдинствненого у Ніжине його цімборы - архимандрита Віктора.

Будучи карпаторусином, Кукольник вірно и з честьов служив туй отцюзнині, котра го приняла, дала му роботу и хліб.